 |
| Amo Paroku Soibada Kaer liman ho Ministru saude |
Dili, Ministériu Saúde mesak sei la halo buat ida, tamba ne´e
koperasaun diak husi parte hotu hotu mak sai hanesan pontu importante ida atu
hodi tulun ita-nia povu sira hetan moris diak. Nune´é atu hametin liu tan
koperasaun ho parseiru sira mak Ministériu Saúde asina Nota Entendimentu (NE) ho organizasaun laos governamentál sira hanesan SHARE ne´ebé sei servisu hamutuk ho Ministériu Saúde no mós Ministériu Edukasaun hodi promove programa saúde eskolár iha ensinu
báziku iha distritu Dili, no mós distritu Ermera. Igreja parókia Soibada ne´ebé sei tau matan ba saneamentu iha loron bo´ot no loron nasionál sira. ONG
Fundasaun Alola ne´ebé sei servisu hamutuk iha área saúde maternu infantíl,
nutrisaun no mós programa kankru susun.
Entretantu amu Tiago Soares nu´udar pároku Soibada, agradese tebes bele realiza NE ne´e
tamba bele tulun sarani sira. Liu liu bele fo saneamentu diak ba fatin
preginasaun Aitara ne´ebé tinan tinan sarani barak ba vizita.
 |
| Foto hamutuk Ministru Saúde ho NGO sira ne´ebé hetan koperasaun |
Sorin seluk Sr.Naka Nakayana
reprezentante husi SHARE iha ninia intervensaun hateten SHARE sempre prontu nafatin
servisu ho diak. Nune´é bele garante saúde diak ba komunidade liu liu ba oinsa
promove saúda eskolár ba labarik sira iha distritu Dili no mós distritu Ermera.
Iha fatin hanesan Ministru Saúde
hateten koperasaun ida ne´e hanesan kontinuasaun koperasaun, ne´ebé Ministériu halo
ho ONG Internasionál no ONG Nasionál sira. Nune´e atu fortifika tan servisu no mós meta sira ne´ebé sira halo tiha ona ho Ministériu Saúde.
 |
| Asina nota intendementu |
.jpg)
