Kompromisu polítika makaas husi Ministériu Saúde 
konsege hamenus taxa kazu moras malária

Ohin oron 25 Abril 2014, mundu tomak selebra loron malária nian. Liu liu Timor-Leste ne´ebé hetan atensaun ba susesu programa malária husi Ministériu Saúde.

Parabens ba ekipa tomak husi Programa Nasionál ba Kontrola Malária, Ministériu Saúde nian no Espesialista sira husi Organizasaun Saúde Mundiál, iha eradikasaun moras hadaet ida ne´e.  

Ekipa husi instituisaun rua ne´e halo ona levantamentu ba densidade larva susuk nian iha bee laran no mós identifika espésia oin oin hodi bele hatene diak liu tan vetor principal sira, oinsa nia moris, hodi nune´e bele dezenvolve diak liu tan medida sira ke efikaz atu hasoru problema ida ne´e

Levantamentu sira be halo ona durante tempu ne´e hanesan parte integral ida iha medida prevensaun moras malária. Estudu sira be halo iha levantamentu ida ne´e bele haree tipu susuk, nia moris fatin, bainhira nia tata no ida ne´ebé deit mak susetivél hasoru insetisida. Rezultadu ida ne´e ajuda Ekipa Programa Malária hodi avalia abordajen ba prevensaun hasoru moras malária.

Parseiru internasionál sira mós rekoñese kompromisu polítiku makaas husi Ministériu Saúde, ne´ebé halo avansu bo´ot iha prevensaun no kontrola malária iha tinan hirak ikus mai. Iha fatin fatin ne´ebé iha risku aas ba malária hetan mós medida ba kontrola no prevensaun. Instalasaun saúde pública hotu hotu iha ekipamentu ba halo diagnostiku no trata moras ida ne´e.

Dadus sira hatudu katak iha tinan 6 nia laran Timor-Leste konsege hamenus kazu malária husi 220 ba kada ema na´in 1000 iha tinan 2006 ba deit kazu 1 ba kada ema na´in 1000 iha 2013.

Ministériu Saúde iha loron ida ne´e mós renova fila fali kompromisu polítiku iha kontinuasaun investimentu ba prevensaun no kontrolu malária. 

Bele haree mós site Organizasaun Saúde Mundiál (ho inglés)

Timor-Leste destaka hanesan kazu susesu iha kombate kontra malária iha mundu

cc 0

Read More

Ba utente saúde sira ne´ebé mak hakarak hetan informasaun kona-ba servisu saúde ka hakarak hato´o keixa ba provizaun servisu saúde ne´ebé ladun diak iha ona fatin ida.

Sentru informasaun ida ne´e situa duni iha kompleksu Ospitál Nasionál Guido Valadares nia laran. Objetivu ida ne´e mai husi sujestaun barak hodi bele fahe no habelar liu tan informasaun kona-ba Ospital Guido Valadares nia servisu. Sentru ida ne´e mós nia intensaun mak  fasilita utente saúde sira nia reklamasaun se karik profesionál saúde sira nia prestasaun servisu la diak.

Hamutuk ida bele hadian diak liu tan ita-nia servisu saúde.

Atendimento Centro Informação Queixa HNGV

Koñese ona Sentru Informasaun no Atendimentu Keixa iha Ospitál Nasionál Guido Valadares?

cc 0

Read More

World Health Day
Dili Convention Centre

First of all, on behalf the ministry of health, I would like to thank you to all of you for all your contributions to make this important event happen.

World health day 2014 theme is vector borne diseases; small  bite big treat. World health day is celebrated on April 7 every year to mark founding of WHO in 1948.

Vectors are organisms that transmit pathogens and parasites from an infected human (or Animal) to another human being. They are most commonly found in tropical areas and places where access to clean drinking water and safe sanitation hampered.

At this moment provides an opportunity for individual in every community to engage in various activities, in other to have better awareness and understanding, encourage families to take better action to protect themselves from these kind of diseases.

In Timor-Leste, we are still facing challenges for three vectors borne diseases, Malaria, Dengue and Lymphatic filariasis.

Data showed that the incidence rate of malaria is less than 1 per 1000 population, 540 dengue cases till last Friday and 17.5 % of lymphatic filariasis zero prevalence rates.

In recent years, a new commitment from the Health Department, regional and global initiatives with the support from foundations, United Nations, non-government organizations, private sector and scientific community, has helped to reduce significantly the incidence and mortality rates.

In closing, I would like to emphasize that working together is very essential in making the Timorese people healthier in every single aspects of life (Health, Economic, education, etc).

Thank you very much.

Hon. Vice Minister for Health speech on World Health Day, Dili Convention Centre, April 8 2014

cc 0

Read More

Dr. Maria do Ceu Sarmento

Eselénsia Señora no Señor  Membru Parlamentu Nasionál

Reprezentante OMS

Parseiru Dezenvolvimentu

Diretór Jerál, Diretor Nasionál,

Distintu konvidadu señor no señora,

Ho Grasa Maromak-nian ha´u, hodi Ministériu Saúde nia naran, hakarak agradese ua’in ba ita bo’ot sira nia prezensa iha fatin ida ne’e, hamutuk ho Ministério Saúde hodi selebra Loron Mundial Saúde ne’ebé monu iha dia 7 Abril tinan tinan hanesan mós mundu tomak selebra.

Loron mundiál saúde tinan ida ne’e ho tema “ Moras Da´et husi Vetor ho nia Slogan ´Small Bite, Big Threat´ (tata kiik-oan, ameasa bo’ot)", buka hatene oinsa proteja o nia. Tema ne’e hó intensaun oinsa atrai populasaun iha mundu ba impaktu saúde tamba moras ne’ebé da’et husi vetor aas, nune’e atu hetan mós atensaun husi governu no sosiedade sivil oinsa hamutuk kontrola vetor ne’e.

Tinan tinan nasaun sira hili tema ne’ebé foka ba pprioridade saúde komunidade nian, hanesan momentu diak fo oportunidade ba individu, família iha komunidade nia laran atu envolve iha asaun oioin hodi prevene populasaun nia saúde.

Ita bo’ot sira nia prezensa hatudu estimulu bo’ot atu bele dezenvolve asaun hamutuk iha futuru, hodi kombate vetor hirak ne’ebé hamosu moras iha nasaun ida ne’e no kontribui ba fatór determina ema nia saúde.

Señora no señor sira hotu,

Ha´u hahú ha´u nia intervensaun ida ne’e, hodi bolu ita hotu nia atensaun ba fatu importante balun ne’ebé relasiona ho estadu saúde populasaun Timor-Leste nian. Mortalidade infantil no materna-sasukat ka indikador estadu saúde povu ida nian, sei a’as iha Timor-Leste, liu liu tamba moras da´et husi vetor (hanesan malária). Iha mós moras seluk tanba vetor hanesan filariasis, chikungunya, japanese Encephalitis, Pes maske seidauk iha númeru fiksu. Kondisaun hirak ne’e afeta ema barak iha ita nia sosiedade, liu liu sira ne’ebé vulnerável, tanba laiha meiu sufisiente atu iha asesu ba kuidadu saúde, ka la iha kbi’it atu iha moris ida ne’ebé diak liu.

Se ita aneliza kle’an liu tan, ba aspetu hirak ne’ebé ha´u temi, ita mós haree katak, moras hirak ne’ e, iha relasaun bo’ot no kondisaun barak ne’ebé la depende deit ba setor saúde ka Ministériu Saúde. Husi setór lubun ida ne’ebé, haree tuir karik ba sira nia atividade dezenvolvimentu, bele fo’o influensia bo’ot ba individu, ka komunidade atu la hetan moras; setor hirak ne’e mak hanesan ha´u temi tuir mai ne’e: edukasaun, bee moos no saneamentu, agrikultura, infraestrutura, liu liu abitasaun no estrada.

Señora no señor sira,

Ita kaer tok ezemplu malária ho dengue hodi halo ilustrasaun kona-ba influénsia ne’ebé setor hirak ne’e iha, ba bem estar no saúde populasaun nian. Ema ne’ebé iha nível edukasaun diak liu, iha posibilidade atu bele komprende no abzorve koñesimentu lais liu. Sira bele uza diak liu informasaun hotu, ne’ebé bele fasilita sira hasees-a’an husi moras, hadia sira nia moris, hodi bele kontribui ba hadiak liu tan ba sira nia kondisaun saúde, no ema sira ne’ebé hela haleu sira.

Se karik ema ho nível edukasaun diak hanesan temi iha leten, bele iha asesu ba bee moos, ambiente ne’ebé saudável, do’ok hisi bee nalihun no lixu ne’ebé soe arbiru deit, esgotu ne’ebé intupidu, halo be’e la halai iha tempu udan, ita bo’ot sira bele mós imajina moras malária, dengue hira mak ita bele prevene!

Ba setor rua ne’ebé mak temi iha leten, se ita akresenta tan agrikultura ne’ebé bele hametin seguransa alimentar iha uma-kain ida ida, hodi uza mós agrikultór sira hala’o irigasaun iha natar, ne’ebé bele hamenus bee nalihun, atu susuk la halo knuuk ba, kondisaun nutrisaun populasaun nian sei diak liu tan

La fó fatin atu malária, dengue bele buras, no natar sei sai fatin ne’ebé bele haburas susuk. Fatór importante ida atu bele hakotu siklu transmisaun malária, dengue mak fatin knuuk no hamoris susuk foun seluk. Iha aspetu ida ne’e, saneamentu ho agrikultura iha papel ne’ebé importante tebtebes.

Tuir fali mai, infraestrutura mós, liu liu abitasaun no estrada, sira nia funsaun importante tebes. Abitasaun ka uma hela fatin, sai nudar fatór ne’ebé kontribui makaas ba susuk malária, dengue atu bele hasubar-aan ba, hodi tata ema, no hadaet moras. Ema ne’ebé iha moras malária, dengue la hetan tratamentu tamba hela dook no susar atu ba fasilidade saúde ne’ebé iha. Ema hirak ne’e sai hanesan fonte transmisaun malária, dengue tamba fini moras ne’ebé iha sira nia ran, susuk ne’ebé tata ema hirak ne’e, sei hadaet tutan fali ba ema seluk ne’ebé besik iha fatin ne’ebé sira hela.

Tan ne’e ita boot sira bele haree mós katak, servisu ne’ebé infraestrutura hala´o kontribui tebes atu hamenus malária, dengue filariasis, cikungunya, japanese encephalitis, no pes iha komunidade nia leet.

Buat hirak ne’ebé temi iha leten, hatudu mai ita katak estadu saúde, kombate ba moras iha nasaun ida nia laran, presiza kontribuisaun husi setór relevante hotu, ida ida ho ninia importánsia rasik. Asaun multisetoral atu bele hetan sinerjia ne’ebé pozitivu, no kordenasaun intersetoral atu bele maximiza utilizasaun efisiente husi rekursu ne’ebé iha, sai hanesan fatór importante tebes iha kombate ba malária, filariasis, no mós fatór determinante seluk iha saúde populasaun nian.

Señora no señor sira
 

Sa deit mak halo ona iha asaun multisektoral no kordenasaun intersektoral ba saúde?

Hahu husi independensia too oras ne’e, iha buat balun mak autoridade sira halo ona, maske seidauk hatudu rejultadu ne’ebé masimu. Iha nivel politiku, desizaun barak ne’ebé halo, hatudu duni kordenasaun intersectoral, nune’e mós iha nivel opersional, imformalmente iha kordenasaun intersektoral, maske asaun konjunta ne’ebé halibur setor relevante hotu, seidauk halao didiak.

Meta estratejika asaun intersectoral ba bem estar no saúde, ne’ebé relevante tebes ho planu kintu governu konstitusional, mak hanesan tuir mai ne’e; hametin bem estar no saúde, ema no komunidade timor leste, liu husi entendimentu komun, konaba problema saúde publika, no asaun konjunta governu tomak, hamutuk ho komunidade, atu rejolve problema hirak ne’ebé sei sai determinante ba saúde populasaun nian.

Molok atu remata, ha´u hakarak agradese imi hotu nia partisipasaun iha eventu ida ne’e, hodi hein mós ita boot sira hotu nia kontribuisaun ativa iha palestra ne’ebé sei tuir mai.

Hakarak mós hatoo agradesimentu espesial id aba komisaun organizadora, parseirus dezinvolvimentu sira tamba apoiu tomak ba eventu importante ida ne’e.

Ikus liu, ha´u apela ba ministeriu relevante iha governu nia laran, komunidade ho nia lider sira, organizasaun sosiadade sívil sira, parseiru bilateral no multilateral, no mós ajénsia Nasaun Unidu tomak, atu tau iha ita boot sira hotu ninia programa no projetu dezenvolvimentu, konsiderasaun bo´ot atu hakiak sinerjia ne’ebé forte, hodi rezolve problema hirak ne’ebé sai hanesan determinante ba saúde populasaun nian, hahu kedas husi malaria no dengue.

Obrigadu

Diskursu Ministra Saúde Interina, Dra. Maria do Ceú Sarmento, Dili Convention Centre, 8 Abril 2014

cc 0

Read More

Susuk hanesan vetor ba moras ne´ebé daet
 hanesan malária, dengue no filariasis

Loron mundiál saúde mosu iha tinan 1948, hahu husi Organizsaun Saúde Mundiál (OMS), hodi hanoin ba ninia integrante sira atu manten estadu saúde ida ke diak ba ema hotu hotu iha mundu tomak, atu nune´e mós bele fó alerta kona-ba problema prinsipál  sira ke bele mosu ba populasaun.

Tuir OMS katak iha saúde signifika atu garante kondisaun no bem estar ema sira nian, hodi haree ba aspetu fíziku, mental no sosiál ema sira ne´e nian, ho armonia.

Importante tebes informasaun sira kona-ba ijiene, moras, foer, no seluk tan to´o ba populasaun sira, hodi nune´e governu bele halo servisu preventivu ida, hodi hadian saúde populasaun no hamensu  gastus iha saúde públika.

Ida ne´e sai hanesan responsabilidade ba governante sira, atu saúde públika sai buat ida ke importante hahu husi knua, suku no aldeia sira ba to´o nasionál. 

Saneamentu báziku hanesan aspetu sira ida mós atu manten saúde populasaun sira nian. Ita haree ba bee mós bele to´o ba ita ida ida noia uma kain, iha rede esgotu ne´ebé taka no la nalihun hodi bele hamenus risku kontaminasaun ho baktéria sira.

Kampaña ba vasinasaun mós hanesan forma preventiva ida ba haree ema sira-nia saúde, tamba liu husi ida ne´e ita bele evita moras no epidemia entre ema.

Partisipa iha limpeza jeral no proativu atu manten ita-nia ambiente moos hanesan forma seluk ida ke  ita aan rasik halo manutensaun ba ita-nia saúde.

Timor-Leste sei komemora loron ida ne´e hodi fo atensaun ba vetór ba moras dengue, malária no filariasis. Ministériu Saúde iha loron sexta-feira liu ba halo limpeza jerál iha área Largu Lecidere no Bairro-Pité hodi, no sei halo enkontru advokásia nasionál multi setorál no expozisaun iha loron 8 Abril iha Centro de Convenção de Dili.




cc

Dengue Filariasis Limpeza jral Loron Mundiál Saúde Malária sáude ambientál

Loron Mundiál Saúde iha Timor-Leste

cc 0

Read More

Intitutu Nasionál Saúde no OMS
fo kapasitasaun ba hasa´e profesionalismu pesoál saúde

Institutu Nasionál Siénsia Saúde (INS) ho Organizasaun Saúde Mundiál (OMS) kontinua fo formasaun no kapasitasaun ba pesoál saúde sira husi ONGV, no mós Sentru Saúde iha distritu 13, atu nune’e bele atende pasiente ho di’ak no profesional liu tan.

Diretór INS Domingos Marçal hateten, ´INS nu´udar instituisaun ida ne’ebé foka liu ba formasaun, sei kontinua fó nafatin formasaun no kapasitasaun ba pesoál saúde sira hanesan médiku, enfermeiru inklui mós ho parteira sira, atu nune’e sira bele uza sira nia tempu ho di’ak hodi halo tratamentu ba pasiente.

Iha partisipasaun ba treinamentu pesoál saúde nian, Domingos Marçal hateten tan katak ´CHC ka sala internamentu ne’e atu oinsa sira bele jere sira nia tempu ho di’ak hodi fo asisténsia ne’ebé di’ak ba pasiente sira. Atensaun bo´ot liu fo ba pasiente idozu sira ne’ebé tuir lian saúde hateten katak hirentria siensias ne’ebé aplika ba idozu sira ne’ebé mak iha area saúde nian´. Formasaun ho tópiku Jestaun Tratamentu ba Idozu´ ida ne´e nia objetivu mak oinsa pesoál saúde sira liu liu enfermeiru  bele hatene oinsa jere sira nia tempu hodi bele halo tratamentu di’ak ba idozu sira.

Treinamentu daruak ida ne´e haree liu ba enfermeiru hamutuk na´in 20 ne’ebé sei hala’o durante loron lima. Sei iha tan faze datolu ne’ebé involve iha laran ne’e médiku sira naín 20 mós mak sei partisipa atu nune’é sira bele sai nu´udar formadór fali iha tempu oin mai iha ida idak nia servisu fatin kona-ba saida mak sira aprende tiha ona.

Diretor INS  mós salienta katak prosesu treinamentu no kapasitasaun ne’e sei la´o nafatin tamba atu sai ema ne’ebé profesionál tenki aprende buat barak husi ema ne’ebé profesionál duni, no ne’ebé haruka husi rai sira ne’ebé dezenvolvidu hanesan Tailándia no rai seluk tan.

Nia mós hateten katak treinamentu ne’e bele realiza tamba hetan apoia husi Organizasaun Saúde Mundial ho montante orsamentu hamutuk USD $9.000 ba primeira faze, médiku no enfermeiru. Diariu

INS no OMS kontinua kapasita pesoal saúde

cc 0

Read More

; Timor-Leste liu husi Ministériu Saúde sei selebra Loron Mundiál ba Saúde ho tema nasionál
“ Kontribuisaun ba asaun hatún moras da’et husi vetór Dengue, Malária no Filariasis”.

Nune´e selebrasaun ba Loron Mundiál ne’ebé refere sei hala’o liu husi atividade hanesan:

• Limpeza jerál iha kapital Dili, iha loron  sexta feira 4 Abril 2014, iha  Largo Lecidere no área Bairro-Pité.

Sei halo parte mós ba komemorasaun Loron Mundiál Saúde ne'e sei hala’o mos

• “Enkontru Advokásia Nasionál Multi Setorál"  
• Expozisaun iha loron 08 Abril 2014, iha Dili Convention Centre.

Ba ita bo´ot sira-nia kolaborasaun no partisipasaun tomak la haluha hato’o obrigadu ua´in.

Bairro-Pité Dengue Expozisaun Filiriasis Largo Lecidere Limpeza Loron Mundiál Saúde Malaria

Info badak husi Ministériu Saúde

cc 0

Read More