Workshop hala´o iha loron 26 Marsu, 2014

Dili, 31.03.2014. Gabinete Kontrolu Kualidade halo workshop hamutuk ho repzentante sira husi ospitál ho tema “Introdusaun ba Kontrolu Kualidade”, atu hadian kualidade servisu ospitál sira.

Workshop ida ne´e buka atu harii pontu fokál sira husi ospitál nasionál no ospitál distritu sira atu bele haree oinsa bele hadian kualidade servisu. Gabinete Kontrolu Kualidade hahu mós fo introdusaun  kona-bá gabinete nia servisu ne´ebé foin mak hahu iha tempu badak nia laran.

Importánsia ba kontrolu kualidade iha prestasaun servisu sai hanesan tema diskusaun iha workshop, ne´ebé alende partisipante sira husi ospital, reprezentante sira husi HADIAK-USAID mós marka prezensa hotu no fó sira-nia apoiu tomak.

Diskusaun workshop ko´alia mós kona-bá saida mak kualidade no oinsa atu sukat kualidade servisu be iha ona. Partisipante sira husu atu labele troka membru sira be partisipa ona iha workshop ida ne’e hodi bele iha kontinuasaun ba servisu kontrolu kualidade . 

Partisipante sira husu mós atu parseiru sira bele fahé sira-nia  matenek maibé liu husi dalan Ministériu nian no laos husi parseiru sira kedas. 

@CC

Étika HADIAK Kontrolu Kualidade Saúde USAID

Pontu Fokál ba Kontrolu Kualidade

cc 0

Read More

Profeionál saúde sira iha diskusaun
 kona-ba étika, 27.03.2014

Departamentu Étika no Kontrolu Kualidade horseik (27.03.2014) halo semináriu ba profesionál saúde sira iha Ospitál Nasionál Guido Valadares. Semináriu badak ida ne´e hato´o husi Prof. Dr. Mario Antonio Sanches husi Pontificia Universidade Católica do Paraná, Brasil.

Tuir Prof. Sanches hatutan katak área étika ne´e área ida ke importante tebes ba profesionál saúde sira atu tur no diskute klean liu tan. Timor-Leste to´o ohin loron seidauk iha Komisaun Étika ida ba Profesionál Saúde sira nian. Hahu husi lideransa Dr. Sergio Lobo, tinan ida liu ba Ministériu Saúde loke tan Diresaun ida hodi tau matan ba loos deit área ida ne´e, ho xefia husi Dr. Irene de Carvalho.

Diskusaun ida ne´e ko´alia kona-ba morál, étika, direitu, deontolójia no mós bioétika. Imperativu tebes atu Timor-Leste halo debate barak liu tan liu liu ho avansu teknolójia barak ne´ebé iha mundu ohin loron nian.

Profesionál saúde sira tenki hatene halo desizaun ida be loos iha momentu be presiza. Iha situasaun difísil lubun ida mak médiku no enfermeiru sira enfrenta iha sira-nia servisu lorloron. Nune´é duni presiza atu tuur hamutuk no ko´alia kona-ba Kódigu Étika ba médiku no enfermeiru sira no mós profisaun sira seluk bé existe iha Ospitál Nasionál Guido Valadares.

Partisipante sira hotu diskute kona-bá valorizasaun ba direitu pasiente no ninia autonomia, se mak deside kona-ba tratamentu ida no oinsa informa ba familia ka pasiente sira rasik. Buat sira ne´e hotu tenki tetu ho moral, kultura, relijiaun, lei no buat barak tan tuir ida ida nian. Ho diversidade ida ne´e, Kódigu Étika tenki buka meiu ba hetan debate barak liu tan no hetan legalizasaun.



@CC

Ética Étika Saude Saúde

Semináriu Badak kona-ba Étika ba Profesionál Saúde sira

cc 0

Read More

Dili, Palácio das Cinzas. Serimónia selebrasaun Loron Mundial Saúde Orál ne´ebé kada tinan profesionál saúde orál sira komemora hodi fo inspirasaun no esperansa ba knaar na´in saúde orál sira hahu husi médiku dentista, enfermeiru no tékniku sira atu bele fo sira-nia knaar no responsabilidade profesionál. Hodi hanoin ida ne´e mak Federasaun Dental Internasional (FDI) iha Jenebra ne´ebé hetan partisipasaun husi rai 50 deside hodi komemora iha mundu tomak tinan ida ne´e iha loron 20 fulan Marsu.

Komemorasaun Loron Mundial Saúde Orál ne´ebé hala´o iha Eskola Primária Manleuana hetan partisipasaun  husi, Vise Ministra Saúde Asuntu Étika no Prestasaun Servisu, reprezentante husi OMS, Diretór Jerál Ministériu Edukasaun, Diretór Saúde Públika Ministériu Saúde, Diretór Marketing Unilver Singapura, Xefe Departamentu husi Ministériu Saúde, profesor sira husi Ministériu Edukasaun, estudante nomos komunidade sira.

Vise Ministra Saúde iha ninia intervensaun hatete katak ´agora dadaun Ministériu Saúde kontinua halo esforsu maka´as atu bele lori saúde besik liu ba komunidade, husu ba povu Timor-Leste tomak liu-liu ba labarik sira atu kontinua fó protesaun ba sira-nia saúde lorloron´.

Sorin seluk Diretór Saúde Públika Ministériu Saúde, Carlitos Coreia Freitas, haklaken liu husi ninia diskursu katak rekursu umanu ne´ebé Ministériu Saúde investe to´o ohin loron iha nível fasilidade saúde tomak mak:médiku ne´ebé agora dadaun servisu ona iha Ospitál Nasionál no Referal 14 %, husi rasio 76 médiku jerál; ba Sentru Saúde 9 % husi rasio 78 médiku jerál. Signifika katak, to´o tinan 2030 ita presiza na´in 131 hodi kompleta fasilidade saúde tomak.

Enfermeiru ne´ebé servisu ona iha Ospitál Nasionál no Referal 15 %, husi rasio 52 enfermeiru; ba Sentru Saúde 32% husi rasio 130 enfermeiru. Signifika katak to´o 2030 ita presiza enfermeiru na´in 182 hodi kompleta fasilidade sira.

Médiku espesialista no tékniku laboratóriu seidauk iha rekursu

Fasilidade saúde ne´ebé iha Rekursu Umanu ona mak hanesan

Iha (poli gigi) 17%

Atividade SISCa 58%

Programa saúde eskolár (UKGS) 24%

Atividade Outreach 1%

Atu hadia diak liu tan Programa Saúde Orál iha futuru mak Unidade Saúde Orál - Departamentu Kontrolu Moras La Hada´et no Mental, Diresaun Nasionál Saúde Públika servisu hamutuk ho Ministériu Edukasaun no empreza Unilever ne´ebé servisu hamutuk ho Ministériu Saúde hodi produs broxura, kamizola, eskova no pastadente ba Ministériu Saude.

Federasaun Dental Internasional OMS oral health RDTL Saude oral saúde orál saude publica saúde públika Timor-Leste WHO

Loron Mundial Saúde Orál “Hasa´e sensilibilizasaun ba estudante sira kona-ba Ijíene Orál no Prevensaun ba moras ibun no nehan”.

cc 0

Read More

Partisipante treinamentu sira iha ONGV (MdS@CSGF)

Timor-Leste hanesan área endémika ba moras dengue, tanba tinan tinan  mosu bebeik kazu dengue ne’ebé aas.

 Tuir dadus husi Departamentu Vijilánsia hatudu katak tinan ida ne’e hahu husi fulan janeiru to´o marsu, hetan kazu ne’ebé aas ho total númeru 539 kazu. Maioria husi kazu ne’e ita hetan iha distritu Dili ho total 432 kazu, Baucau 33 kazu, Viqueque kazu 31, Ainaro kazu 11, Covalima kazu 11, Manufahi kazu 9, Likisa kazu 6, Manatuto kazu 5 no Aileu kazu 1. Husi total kazu ne’e ema nain rua mak mate.

Bazeia ba realidade ne’e Ministériu Saúde servisu hamutuk ho OMS realiza treinamentu ida atu bele hatan problema kona-ba dengue. Treinamentu ida ne’e nia objetivu mak:

- Hasa’e kapasidade médiku no enfermeiru sira atu jere dengue la komplikadu no dengue grave iha OPD no mós iha Emerjénsia. Hasa’e koñesimentu médiku no enfermeiru sira iha parte treinamentu no segimentu ba kazu diagnóstiku nudar dengue. 

- Haforsa kolaborasaun ekipa entre médiku no enfermeiru sira hotu.

Membru sira husi OMS hasai foto hamutuk ho
 partisipante Timor-oan sira (MdS@CSGF)

Partisipante sira hamutuk ema na´in 35 mai husi ospitál nasionál, ospitál referal no ospitál sira ne’ebé iha sala internamentu, ne’ebé konsidera iha kazu dengue. Hanesan Dili ema  na´in 21, Baucau ema na´in 2, médiku 1 no mós enfermeiru 1, Maliana ema na´in 2, Oecussi ema na´in 2, Suai ema na´in 2, Maubisse ema na´in 2, Manatuto ema na´in 2 no Viqueque ema na´in 2. Treinamentu ne’e hala´o husi Ministériu Saúde Departamentu Kontrolu Moras Kontajioza, Programa ba Dengue. Treinador sira peritu na´in haat mai husi OMS Tailándia ne’ebé kompostu husi dotour na´in 2 no enfermeiru na´in rua.

Treinamentu ne’e realiza durante loron 5 nia laran hahuúhusi 24 to´o28 marsu iha salaun enkontru ONGV Dili,treinamentu ne’ebé refere hetan apoiu finanseiru husi Ministériu Saúde no mós husi parseiru sira mós. MoH



 Carinton Salazar G. Freitas

Ministériu Saúde hamutuk hó Organizasaun Mundiál ba Saúde (OMS) kapasita knaar na´in saúde hodi kombate dengue

cc 0

Read More

 

Embaixadór foun Austrália ba Timor-Leste halo vizita kortézia ba Ministru Saúde iha loron 19.03.14. Durante enkontru ne´e parte rua diskute kona-ba lalaok kooperasaun Austrália ho Timor-Leste iha área saúde.

Liu husi AusAid, oras ne´e daudaun Governu Austrália apoia hela Ministériu Saúde iha área oin oin. Área balun mak hanesan:

• saúde inan no oan, husi MSI 
• programa posgraduasaun ba médiku, koopera ho RAC´S, Brigada Médica Cubana no UNTL
• apoiu lojístiku - hadia ambulánsia 
• apoiu ba melloramentu no fortalesimentu Sistema Informasaun Saúde

Ministro Saúde, lori Governu no povu Timor-Leste nia naran, agradese ba apoiu hotu ne´ebé desde uluk kedas Governu no povu Austrália fó mai povu Timor-Leste.  Embaixadór Austrália, dala ida tan, reitera empeñu Governu Austráliana atu apoia nafatin atividade ne´ebé la´o daudaun, no sei buka atu fó tan apoiu ne´ebé Ministériu Saúde sei propoen iha loron ikus mai.

Enkontru ho Embaixadór Austrália ba Timor-Leste

cc 0

Read More

Ohin, 20.03.2014,  loraik tuku 4 Ministru Saúde hala´o reuniaun ho membru Konsellu Administrasaun ONGV  ho xefe departamentu kliníku sira atu ko´alia kona-ba Regulamentu Internu ONGV. Iha enkontru ne´e Ministru husu ba partisipante sira atu konsidera aspetu tolu funsaun ONGV-nian, hanesan prestasaun servisu, edukasaun no peskiza - durante prosesu elaborasaun Regulamentu Internu ne´e.

Ministru husu atu responsável sira hotu iha HNGV hasoru malu beibeik hodi diskute oinsa atu hadian prestasaun servisu ONGV, ne´ebá ikus ne´e, hetan krítika barak husi komunidade. Atu hatan didiak ba ezijénsia komunidade hodi bele fó prestasaun servisu tuir expetativa komunidade, funsionáriu ho estrutura tomak ONGV tenki hamoris no haburas espíritu pertensa no espíritu ekipa. Jestor sira tenki servisu tuir planu ida no durante implementasaun planu ne´e, tenki halo beibeik avaliasaun no monitorizasaun ba aspektu oin oin lalaok servisu iha ospitál laran.

Regulamentu Internu Ospitál Nasionál Guido Valadares (ONGV)

cc 0

Read More

Horseik, loron 18.03.14 Ministru Saúde hala´o reuniaun ho Vise-Ministra GAR, DJ, Diretor Nasionál sira, Diretor Ezekutivu sira, no Diretor Saúde Distritál sira atu ko´alia kona-ba diskusaun plenária iha Parlamentu Nasionál (PN) ne´ebé halo hodi bainrua liu bá, loron 17.03.14. Ministru Saúde fó hanoin ba Diretor sira hotu katak preokupasaun sira ne´ebé membru PN hato´o ne´e, deskreve duni situasaun real ne´ebé mosu lorloron iha área servisu barak Ministériu Saúde-nian; tan ne´e Ministru Saúde husu ba Diretor sira atu esforsa-aan, orienta estrutura iha sira-nia okos atu halo prestasaun servisu diak.

Ministru fo hanoin ba Diretór sira katak problema ne´ebé Média no Parlamentu Nasionál foti durante ne´e bele dehan katak problema sira ne´ebé menus husi US$100, katak problema ne´ebé kada Diretor bele rezolve ho osan adiantamentu ne´ebé sira simu kada fulan. Kada Diretor tenki dezenvolve kapasidade institusionál iha nia estrutura atu:

• Bele reastreia buat ne´ebé akontese ka hala´o tiha ona
• Organiza atividade lorloron nian didiak atu hatan ejizensia korente
• Planeia didiak atividade futuru bazeia ba dezempeñu ne´ebé hetan no meta ne´ebé trasa tiha ona iha PEDN, PEDSS, Programa V Governu Konstitusionál, desizaun husi Konsellu Diresaun no Konsellu Konsultivu Ministériu Saúde, no diploma sira no sirkular sira ne´ebé Ministru fó sai

Enkontru remata ho diskusaun klean kona-ba kestaun hotu hotu ne´ebé parlamentáriu sira foti durante sesaun Plenária, iha ne´ebé partisipante sira hotu analiza kada problema, sujere solusaun no pasu ne´ebé estrutura tomak Ministeriu Saúde tenki la´o atu iha kordenasaun diak liu.

Enkontru Ministru ho Diretor Ministériu Saúde sira

cc 0

Read More