Diretór Jerál Ministériu simu dokumentu ofisiál
husi Diretora Care International TL

29 Maiu 2014. Ministériu Saúde hetan tulun motorizada 9 (sia), kareta minibus ida  husi Care International Timor-Leste servisu hamutuk ho Uniaun Europeia.

Entretantu diretora Care International Timor-Leste, Geraldine Zwakh iha ninia intervensaun hateten katak “ apoiu motorizada no kareta ne´ebé Care International fo nee, hodi fo tulun ba programa saúde inan no labarik no mos nutrisaun. Ne´ebé sei kontinua hanesan dezafiu boot nasaun no mos liu liu ba komunidade iha Ermera”. Nia hatutan tan katak apoiu ne´ebé Care International Timor-Leste fo ne´e sei apoia barak ba distritu no mos sub-distritu sira, liu liu komunidade Ermera.

Sorin seluk Embaixadór Uniaun Europeia ba Timor-Leste hateten katak apoiu motorizada sia ho kareta ida ne´ebé Care International Timor-Leste fo ne´e hanesan mos parte ida ba apoiu komunidade rurál nebe presiza tebes atu hetan asisténsia.

Iha oras hanesan Madalena Hanjam ne´ebé hanesan mos kordenadora ba apoiu fundu Uniaun Europeia iha Timor-Leste hateten, apoiu sira ne´ebé agora dadaun fo ministériu hotu hotu ne´ebé hetan husi fundu Uniaun Europeia sira sei halo supervizaun no mos sei tau matan ba veikúlu sira ne´e.

Madalena Hanjan mos akresenta  tan katak agora dadaun Uniaun Europeia apoiu tan fundu dolar amerikanu millaun 10 ba Ministériu Saúde hodi bele fo asisténsia diak ba komunidade nune´é husu ba Ministériu Saúde atu bele servisu ho didiak hodi bele ezekuta orsamentu hirak ne´e ho efisiénsia no mos efikás.

Revista veikúlu no mos
motorizada husi Care International

Entretantu Diretór Jerál Ministeriu Saúde iha ninia intervensaun, “agradese tebes ba apoiu hirak ne´ebé Care international fo ne´e tamba bele apoiu tan ba programa saúde inan ho oan nian liu liu iha distritu Ermera." Motorizada no mos kareta sira ne´ebé Ministériu Saúde hetan husi Care International ne´e sei entrega direta ba distritu maibé sei kontrola direta no másimu husi distritu ne´ebé refere atu garante katak motorizada no mos kareta ne´ebé sira simu bele halo duni servisu ba nesidade komunidade no mos estadu nian.

Ministériu Saúde hetan apoiu motorizada sia ho kareta minibus ida husi Care International Timor-Leste

cc 0

Read More

Iha Sesaun ba dala 67 Asembleia Mundial Saúde iha Jenebra, rai sira ho lian ofisiál no nasionál portugés (sigla portugés CPLP) sira mos halo sorumutu. Timor-Leste hamutuk ho Portugal, Cabo Verde, Brazil, São Tomé e Princípe, Moçambique, Angola no Guine Bissau, hamutuk ho objetivu atu halo planu ba hametin koperasaun CPLP iha área saúde, promove no publika informasuan kona-ba saúde ho lian portugés, disemina informasaun saúde ho lian portugés ba rai sira iha CPLP no hafoun MoU entre rai CPLP sira ho Organizasaun Mundiál Saúde nian.

Delegasaun Timor-oan xefia husi Dr. Sergio Gama Lobo SpB.;  Embaixador RDTL iha Suisa; Sr Marciano da Silva;  Sr Ivo Ireneu, DNPPC;  Dra Ines Almeida, DS Controlo de Doencas;

·     Dr Herculano Seixas, Chefe do Dep de Doencas Nao Contagiosas e Mentais.

Foto sorumutu rai CPLP sira durante AMS iha Jenebra

Foto hasai iha 19.05.2015

Publika iha 23.05.2014

Encontro entre os paises da língua portuguesa durante a 67ª Sessão da Assembleia Mundial da Saúde em Genebra

cc 0

Read More

Dr.Herculano S. Santos, reprezentante
husi Timor-Leste tur entre estadu membru
husi EUA, Austrália no Ejiptu. 19.05.2014

Delegasaun Timor-Leste ne´ebé Dr. Sergio Gama Lobo SpB. lidera halo partisipasaun ativa iha Asembleia Mundiál Saúde (AMS) iha Jenebra. AMS hanesan instituisaun supremu ba hola desizaun ba Organizasaun Saúde Mundiál (OMS). Estadu membru sira diskute hamutuk ajenda ne´ebé prepara tiha ona hodi bele determina polítika organizasaun ida ne´e. Timor-Leste hanesan mos estadu membru ida, partisipa iha diskusaun paralelu no fo apoiu ba rezolusaun husi estadu membru Zambia kona-ba ´Hadian Emerjénsia Seguru  no Kuidadu Sirúrjiku Esensiál no Anestézia' liu husi Dr. Herculano Seixas dos Santos.

Dr. Herculano Seixas dos Santos, iha eventu paralelu ne´ebé ko´alia kona-bá tratamentu siirúrjiku hanesan parte ida husi atensaun primária, no presiza atu integra iha planu nasionál saúde iha rai hotu hotu. Ho vizaun atu hamenus karga globál ba moras sirúrjika presiza tebes atu hakaas kapasidade sirúrjika, liu liu iha nível ospitál distritu, hodi nune´é bele sai hanesan meiu efisiente ida. Eventu paralelu ne´e diskute mos kona-bá apoiu ba servisu emerjénsia OMS no Programa Kuidadu Esensiál Sirúrjiku husi Departamentu Prestasaun Servisu no Seguransa.

Timor-Leste fo hanin fila fali observasaun sira be Dr. H. Mahler, ex-Diretór-Jeral ba OMS halo. Nia hanesan vizionário boot ida ba  asisténsia saúde hatete katak tratamentu sirúrjiku ba emerjénsia hotu hotu tenki hatama mós ba iha atensaun primária saúde nian. Dr. Herculano haktuir katak "Ami interpreta buat ida ne´e hanesan ne´e tamba sirúrjia ho kualidade tenki disponível mos se karik presiza, sem kualker atrazu no, ho preferénsia iha primeiru pontu tratamentu."

Rezolusaun husi Zambia ne´e, importante atu hetan konsiderasaun husi estadu membru sira seluk mos. Timor-Leste reitera atu labele ignora observasaun ida husi OMS katak " ... 11% husi karga globál moras bele hetan tratamentu ho sirurjia". Hodi nune´e, ita presiza servisu hamutuk ho forma ida ke efisiente no rentável hodi uza didiak feramenta ida ne´e. Sirurjia bele hatudu katak sei la sai karu ba halo tratamentu, liu liu iha kontestu ba ezemplu barak ne´ebé halo ho susesu ho deit para-médiku sira.

Dr. Herculano hakotu ninia observasaun katak ho experiénsia indepénsia tinan sanulu resin rua, "Ami (Timor-Leste) sinseramente apoia inisiativa husi Zámbia no rai sira seluk atu hadian emerjénsia seguru no kuidadu sirúrjiku esensiál sira".

AMS ida ne´e eventu ida ke hala´o  tinan tinan iha Jenebra. Timor-Leste hanesan estadu membru ativu ida mos marka prezensa iha ne´eba ho prezensa delegasaun ne´ebé lidera husi Dr. Sergio Lobo, Embaixador Marciano da Silva, Ivo Ireneu, Dra. Ines Almeida no Dr. Herculano S. Santos.



@CC

Timor-Leste apoia rezolusaun kona-ba ´Hadian Emerjénsia Seguru no Kuidadu Sirúrjiku Esensiál no Anestézia´

cc 0

Read More

21 de Maio de 2014, 15:43

Timor-Leste e Portugal assinaram um Memorando de Entendimento na área da saúde, mais especificamente na saúde materna e nutrição na Assembleia Mundial de Saúde, que se realizou em Genebra, segundo informação do ministério de saúde.

Na Cimeira da CPLP, Timor-Leste e Portugal irão procurar formalizar esta cooperação, em que Portugal irá focar-se na área da saúde materna e nutrição. 
A delegação de Timor-Leste chefiada pelo ministro da saúde Sérgio Lobo aproveitou e convidou o seu homólogo de Portugal Paulo Moita de Macedo, para visitar Timor-Leste durante a Cimeira da CPLP, no próximo mês de Julho.

Sérgio Lobo também recebeu um convite para visitar Portugal, com o objectivo de fortalecer mais a cooperação entre Timor-Leste e Portugal, principalmente na área de emergência, uma vez que vai trabalhar em conjunto com o Instituto de Emergência Médica de Portugal (INEM) aproveitando para vêr as facilidades das instalações de saúde e instalações farmaceûticas, segundo o ministério de saúde.
Portugal destacou-se, recentemente, entre os dez países no mundo com mais seguro para o pré-natal (desde bebé até aos 28 dias) onde vão nascer; e na mortalidade infantil (a crianças menos cinco anos). Portugal tem uma taxa muito pequena de mortalidade infantil.

Mesmo que Timor-Leste consiga reduzir a taxa de mortalidade infantil, ainda existem muitas áreas que é preciso melhorar, na saúde, segundo o ministério.

Através do INEM, Portugal vai enviar especialistas na área da emergência médica para Timor-Leste.

Com objetivo para organizar e melhorar os serviços da emergência em Timor e identificar também qual a área necessária para formação.

Timor-Leste tem falhas nas áreas médica e paramédica, do qual necessita de apoio e capacitação de Portugal.

Durante esta cimeira irão realizar uma cooperação na área do medicamento. Portugal está disposto a mandar técnicos na área de aprovisionamento e regulamentação dos medicamentos para Timor.

O país português ira esperar por Timor-Leste para definir os termos de referência e condição de serviço e irá apoiar igualmente a regulamentação do setor privado de saúde em Timor-Leste.

SAPO TL com Ministério da Saúde



Link:
http://noticias.sapo.tl/portugues/info/artigo/1385852.html

Timor-Leste e Portugal assinam Memorando de Entendimento em Genebra na área de saúde

cc 0

Read More

Jenebra, 19 Maiu 2014

Asembleia Mundiál Saúde 67 loke iha loron ohin ho eleisaun ba Prezidénsia  Asembleia, Dr Roberto Tomas Morales Ojeda, Ministro Saúde Cuba eleitu  hanesan Prezidente foun ba asembleia ne’e.  Vise-prezidente na´in 5 husi Bahrain, Congo, Fiji, Lithuania, no Sri Lanka; no membru Komité Jerál husi Rejiaun Afrika, Amerika, Mediu Oriente, Europa no Dra. Ines T. da Silva Almeida, membru husi delegasaun Ministériu Saúde Timor-Leste, mak reprezenta membru Komité Jerál husi Rejiaun Sudeste Aziátiku.

Asembeia Mundiál Saúde ne’e atende husi delegadu Organizasaun Mundiál Saúde, reprezentatne husi estadau membru sira, delegadu husi ajensia oioin, organizasaun, fundasaun no grupu sira ne’ebé kontribui atu dezenvolve setór saúde.

Delegasaun husi Republika Demokratika Timor- Leste kompostu husi S.Exa. Dr. Sergio Gama Lobo, SpB, Ministru Saúde RDTL, Sr.Marciano da Silva, Embaixadór Timor-Leste iha Jenebra, Sr.Ivo Ireneo, Diretór Nasionál Polítika, Planeamentu no Koperasaun, Dra. Ines T. da Silva Almeida, Diretora Servisu Kontrolu  Moras, no Dr. Herculano Seixas dos Santos, Xefe Departamentu Kontrolu Moras la Hada´et no Mentál.

 Diretora Jerál OMS, Dra. Margaret Chan Iha diskursu abertura, expresa nia preokupasaun bo’ot ba iha aumentu númeru obesidade infántil iha mundu liu liu iha nasaun subdezenvolvidu sira. Tuir  relatóriu estatístiku saúde mundiál 2014 hatudu katak ita nia labarik sira  kada loron bokur ba beibeik.

Atu halo asesoramentu diak hodi hapara obesidade infántil, Dra. Chan anunsia katak estabelese ona Komisaun altu nivel ida kona ba hapara obesidade infantil. Komisaun ida ne´e sei lidera husi  Sr. Peter Gluckman, asesór sientífiku ba Primeiru Ministru  Neo Zelándia, no Dr. Sania Nishtar, fundadór  polítika Saúde Pakistanés. Ekipa ne´eprepara ona relatóriu konsensu ida ne’ebe sei sai efikaz ba kontextu oioin iha mundu no rekomendasaun sira sei aprezenta fila fali iha Asembleia Mundiál Saúde tinan oin.

Dra.Chan dezafia Asembleia Mundiál Saúde atu konsidera impaktu potensial ba saúde mundu tomak ne’ebé hatudu katak akontese mudansa signifikante ba mapa ema kiak iha mundu.70 % husi ema kiak sira mak hela iha nasaun ho ingresu médiu ho ekonómia emerjente. Nia mos alerta ba delegadu sira kona-ba importánsia atu luta hasoru mudansa klímatika, halo prevensaun no kontrolu ba moras la hada´et sira, liu liu  moras kardiovaskulár, diabetes, kankru no moras respirasaun krónika.

Timor – Leste mos partisipa iha enkontru dahuluk ba  Komite A ne’ebé loke ho diskusaun kona-ba moras hada´et. Iha enkontru ne’e Timor–Leste hamutuk ho estadu membru  husi Sudeste Aziátiku  aprova rezolusaun ida hodi apoia ba estratéjia globál foun  ba prevensaun, atensaun no kontrolu ba  moras Tuberkuloze hahu tinan 2015. Objetivu husi estratéjia ne’e mak atu hapara epidémia mundiál ba Tuberkuloze, atu hamenus númeru mate tan tuberkuloze ba 95 % no hamenus kazu foun ba 90 % iha tinan 2035. Nune’é mos defini meta provizoriu ba  tinan 2020, 2025 no 2030.

Rezolusaun ne’e bolu atensaun ba membru estadu sira atu implementa estratéjia ida ne’e ho kompromísiu nível aas no finansiamentu diak. Estratéjia ne’e fo enfaze liu ba atensaun ba populasaun ne’ebe vulnerável liu ba infesaun no dífisil asesu ba servisu saúde, hanesan emigrante sira. Estratéjia ne’e mos fo enfaze ba iha asaun multisetorál iha ámbitu protesaun sosiál, imigrasaun no justisa .

Númeru estimasaun ba ema ne’ebé moras tuberkuloze redus kada tinan. Mundu tomak iha hela dalan atu alkansa objetivu MDG hodi  hamenus infesaun ba moras tuberkuloze iha tinan 2015, maibe tuberkuloze kontinua sai hanesan moras hada´et ne’ebe hamate ema barak liu iha mundu. Iha tinan 2012, ema millaun 8,6 mak moras tuberkuloze no millaun 1,3 mak mate tan tuberkuloze no ema 450,000 mak dezenvolve TB Multidrograrezisténsia.

Iha Technical Briefing kona-ba Regulamentu Saúde Internasionál (IHR), reprezentante husi Sekretariadu OMS no estadu membru sira, inklui Timor-Leste, diskute mos kona-ba saida mak ita bele alkansa, obstáklu, inisiativu foun no kompromisu atu garantia katak mundu bele prevene, deteta no responde ba risku no seguransa  ba saúde internasionál.

Fotos

S.E. Dr. Sergio Gama Lobo,SpB, Ministru Saúde RDTL Sr.Ivo Ireneo, Diretór Nasionál PPC, Dra.Ines T. daSilva Almeida, Diretora SCD, Dr.Herculano Seixas dos Santos, Xefe Departamentu NCDCM

Bele haree foto barak liu tan iha pájina Ministériu Saúde nian iha Facebook

Textu:Dr.Herculano Seixas dos Santos
Xefe Departamentu NCDM 

Timor Leste sai membru Komité Jerál hodi Reprezenta Rejiaun Sudeste Aziátiku iha Asembleia Mundiál Saúde 2014

cc 0

Read More

Nota ba Imprensa

Dr, Paulo Moita de Macedo no Dr. Sergio Gama Lobo SpB.,
molok asina hotu Memorandu Entendimentu (19.05.2014)

Jenebra, 19 Maiu 2014. Timor-Leste no Portugal asina Memorandu Entendimentu iha área saúde bainhira rai rua ne´e partisipa hamutuk iha Asembleia Mundiál ba Saúde iha Jenebra. Delegasaun husi Timor-Leste ne´ebé xefia husi Dr. Sergio Lobo, SpB., konvida ninia kontraperte husi Portugal, Dr, Paulo Moita de Macedo, atu mai vizita Timor-Leste durante Simeira be CPLP be sei hala´o iha fulan Jullu oin mai. 

Dr. Sergio Lobo, SpB., mos simu konvite ba vizita Portugal hodi bele hametin liu tan koprasaun entre Timor-Leste no Portugal, liu liu iha área emerjénsia. Timor-Leste sei servisu hamutuk ho INEM ka Instituto de Emergência Médica de Portugal. Timor-Leste sei aproveita mos haree instalasaun fasilidade saúde oin oin no instalasaun farmaseútika. 

Durante Simeira CPLP ne´e, Timor-Leste no Portugal buka atu formaliza koperasaun ida ne´e. Koperasaun ho Portugal sei haree liu liu ba saúde inan no oan no nutrisaun. Portugal foin lais destaka tama ba rai sanulu iha mundu tomak ne´ebé seguru liu ba neo-natál (kosok-oan ho to´o loron 28) sira atu moris ba; no ba mortalidade iinfántil (labarik to´o tinan lima) Portugal hanesan rai ida ke diak liu iha mundu mos ho taxa kiik tebes. Maske Timor-Leste konsege ona hamenus taxa mortalidade infántil, sei iha área barak mak ita presiza atu hadian ba sai diak liu tan. 

Liu husi INEM, Portugal sei haruka espesialista ba emerjénsia médika mai Timor-Leste. Ho objetivu atu hadian organiza servisu emerjénsia iha Timor no sei identifika mos área saida deit mak nesesita formasaun. Área sira ne´ebé Timor-Leste hakarak atu hetan kapasitasaun mak hanesan kapasitasaun iha área médiku no paramédiku Timor-oan sira iha Portugal. 

Iha Simeira ida ne´e mos sei halo koperasaun iha área ai-moruk. Portugal prontu atu haruka tékniku sira iha área aprovizionamentu no regulamentasaun ai-moruk mai Timor. Portugal sei hein atu Timor-Leste defini termu referénsia no kondisaun servisu. Portugal liu husi estende mos apoiu iha regulamentasaun setor privadu saúde iha Timor-Leste.



_______________________________________________________________
Ba informasaun barak liu tan bele kontakta:
Misliza Vital
Xefe Departamentu Komunikasaun no Protokolu
Ministériu Saúde RDTL
Tlmv: (+670) 781 791 26



@cc

Timor-Leste no Portugal asina Memorandu Entendimentu iha Jenebra iha área saúde

cc 0

Read More

Sorumutu Ministru Saúde , Dr. Sergio Lobo, SpB,
no Embaixador koreanu S.E. Kim Ki-nam, 12.05.2014

Sua Exelénsia Embaixador koreanu Kim Ki-nam, to´o iha Timor-Leste semana tolu liu ba, no horseik mai halo ninia vizita kortézia mai hasoru ho Ministru Saúde, Dr. Sergio Lobo, SpB. Vizita ida ne´e hodi diskute mós kona-ba parseiria no apoiu ne´ebé Koreia Sul fo ona no bele fo tan iha futuru.

Koreia Sul apoia Timor-Leste iha área barak liu husi sira-nia instituisaun ba dezenvolvimentu KOICA. KOICA nu´udar parseiru ida mos ba Ministériu Saúde sai mós pontu diskusaun. Projetu ne´ebé sei iha prosesu laran no hein atu bele hetan aprova ba hala´o iha Timor-Leste mak hanesan ekipa m´deiku koreanu, laboratóriu ba tuberkuloze no programa saúde inan-oan. Ba laboratóriu no programa saúde inan-oan ninia total orsamentu mak dolar amerikanu milliaun 6.74.

Sua Exelénsia Embaixador Kim mós koalia kona-ba ekipa médiku ne´ebé tuir planu sei mai vizita Timor-Leste iha fulan Jullu oin mai. Ekipa médiku ida ne´e viza atu foka importánsia servisu médiku koreanu ba rai liur no mós promove biban ba revitaliza troka entre Koreia Sul no Timor-Leste. Ekipa médiku ida ne´e mai husi Sosiedade Koreana ba Obstetrísia no Jinekolójia ka Korean Society of Obstetrics and Gynecology (KSOG).

Liu husi vizita ida KSOG buka atu bele hala´o sira nia servisu iha Ospital Nasionál Guido Valadares, fo doasaun ba produtu balun ba komunidade no liu liu atu mai haree ho matan rasik Timor-Leste ne´ebé sira koñese husi filme famozu ´ Barefoot Dream´. KSOG laos sei lori deit médiku maibe sei lori mós jurista no estudante universitáriu no eskola sekundáriu sira mos sei integra ba equipa vizita ida ne´e.

Embaixador mós destaka katak Koreia Sul liu husi inisiativa Dr. Lee Jong Wook Fellowship. Ministru Saúde Dr. Sergio Lobo, SpB, simu ho laran luak apoiu iha programa Fellowship ida ne´e. Atu hametin liu tan rekursu umanu liu liu iha área espesializasaun médiku timor-oan sira.

@CC

KOICA Koreia Sul KSOG

Vizita kortézia husi Sua Exelénsia Embaixador Koreanu ho Ministru Saúde RDTL

cc 0

Read More

Rai sira membru ba CPLP

Ministériu Saúde prepara dadaun atu simu mós Simeira Xefe Estadu CPLP ba dahuluk iha Timor-Leste. Preparasaun enkontru nível aas husi Xefe Estadu rai sira ho dalen portuges ne´ebé sei hala´o iha Timor-Leste iha fulan Jullu 2014 ne´e exiji prontidaun servisu husi Ministériu Saúde tomak. Ekipa sira ne´ebé sei envolve iha preparasaun ida ne´e mak hanesan servisu emerjénsia, servisu ambulánsia, Sentru Saúde  (SS) sira, Ospitál Nasionál Guido Valadares (ONGV) no Departamentu Saúde Ambientál.

Dispozisaun servisu sira ne´e mak hanesan ambulánsia standby oras 24 hodi fó asisténsia ba kada delegasaun husi rai hotu hotu be sei prezente iha Simeira ida ne´e. Ekipa médiku iha ONGV sei destaka espesialmete ba Simeria iha kada oras, hodi prepara mós kuartu haat ba VIP, no ba SS sira hanesan SS Formosa, SS Comoro, SS Vera Cruz no mós SS Becora sei iha disponibilidade atu simu VIP sira be moras ho atendimentu médiku durante oras 24. Bainhira akontese eventu boot sira ne´ebé hanesan ida ne´e, Ministériu konsidera nu´udar imprensindível, hodi nune’e estabelese unidade médika ida ba servisu hamutuk ho Ministériu Negosiu Estrageirus hodi fo apoiu ba kazu urjente hotu hotu.

Ba Departamentu Saúde Ambientál sei hahu kedaas husi  fulan Juñu 2014, ba halo vijilánsia sanitária. Vijilánsia sanitária ne´e katak sira sei halo fumigasaun, limpeza jerál, inspesaun sanitária iha estabelesimentu públiku sira hanesan aeroportu nasional Nicolau Lobato, Palásiu Prezidensiál , Palásiu Nobre Lahane, Palásiu Governu, no mós Edifísiu Parlamentu Nasionál, Ministériu Negosiu Estranjeiru, Sentru Konvensaun Dili, Ospitál Nasionál Guido Valadares, Laboratóriu Nasionál, Sentru Saúde Comoro, Vila Verde, Formoza, Otel Dili Beah, Otel Timor, Otel The Ramelau, Otel Turismu no mós merkadu Lahane.

Ministériu Saúde sei la halo deit kontrolu ba Otel maibé ba mós restaurante sira ne´ebé sei hahu kedas husi  fulan Maiu ne´e. Ba restaurante sira ne´e hanesan atividade baebaen ida bainhira ekipa Ministériu Saúde sei halo inspensaun prazu ba ai-han no bebida nia validade, no mos oinsa otel no restaurante sira konserva sira nia produtu bainhira sosa, nune´e mos ho kondisaun ijiene no seguransa iha servisu fatin.

Diresaun Nasionál Saúde Públika agora dadaun prepara hela folletu informativu kona-ba perfil saúde iha Timor-Leste ba ita nia bainaka sira. Perfil Saúde ida ne´e sei koalia badak kona-ba kondisaun atuál saúde iha rai-laran tomak hanesan estabelesimentu saúde sira iha teritóriu tomak, moras saida deit mak sira tenki iha atensaun ba, servisu ida ne´ebé mak diak no mós ida ne´ebé mak sei presiza hadian ba sai diak liu tan.

Liu husi Simeira ida ne´e Ministériu Saúde ninia ekipa tomak sei hakaas aan atu bele fornese servisu saúde ida ke diak liu tan no adekuadu ba bainaka sira.




@Carinton Salazar G Freitas

CPLP Timor-Leste HNGV ONGV saúde públika

Portugal, Brazil, Guine Bissau, Angola, Moçambique, São Tome e Príncipe, no Cavo Verde sei hala´o Simeria iha Dili

cc 0

Read More

Enkontru entre Ministériu Saúde
no Parseiru sira iha Palácio das Cinzas

Horseik loron 08 Maiu 2014, Projetu Apoiu Planu Nasionál Estratéjiku Setor Saúde (PAPNESS), halo aprezentasaun kona-ba servisu durante tempu hirak ne´e.  PAPNESS ninia aprezentasaun ida ne´e atu haree se progresu durante ne´e iha susesu ka lae; realístiku ka lae atu Ministériu Saúde alkansa objetivu dezenvolvimentu ho oráriu ne´ebé estabelese tiha ona; hare fila fali sasukat husi rezultadu projetu; halo avaliasaun ba mekanismu implementasaun be iha ona no mós halo vizita servisu ba Ermera.

Ministériu Saúde hala´o mudansa sistema ne´e ho apoiu husi parseiru sira. Parseiru sira ne´e taru sira nia apoiu hodi fiar katak Ministériu Saúde bele hadian servisu tratamentu saúde iha teritóriu laran; aumenta rekuru umanu, fo finansiamentu mós ba sistema saúde no apoiu seluk tan iha servisu saúde sira seluk. Parseiru sira husi PAPNESS fiar metin iha prosesu ida ne´e tomak liu husi rezultadu ne´ebé iha, hodi nune´e sira afirma sira nia kontinuasaun apoiu iha reforma política Ministériu Saúde no Estratéjia Saúde Nasionál.

Parseiru sira destaka katak implikasaun husi mudansa servisu saúde ne´e importante, tamba hadian kualidade servisu saúde primária iha komunidade nia let. Sira mós fiar katak hodi hadian sistema ida ne´e, fasilita liu liu asesu ba ema kiak liu husi asisténsia sekundáriu.

Maibé, durante projetu ne´e tomak, iha mós obstákulu barak be mosu. Obstákulu sira hanesan fundu ba ´service delivery´no abilidade programa sira atu remata planu sira be halo tiha ona; birokrásia be sentralizadu liu mós la fo dalan atu bele la´o lais tuir nia tempu; sector farmaséutiku presiza lideransa no jestaun ida ke forte liu tan no estrutura no organizasaun impede hela ´service delivery´ ne´e ba komunidade.

Ho ida ne´e, PAPNESS mós iha pontu hirak ba konsidera  atu bele la´o ba oin. Bainhira haree fila fali atividade sira be tenki hasai ka adisiona, kansela ka aloka fundu tuir nesedidade, ka haree fila fali indikadór projetu  ba bele hetan rezultadu diak liu tan, bele ajuda reforma ne´e bé agora dadaun hala´o hodi bele hetan susesu liu tan.

@cc

NHSSP

Aprezentasaun husi Projetu Apoiu Planu Nasionál Estratéjiku Setor Saúde

cc 0

Read More

Ekipa Komunikasaun Ministériu Saúde ohin hahu formasaun badak ida ho apoiu husi Gina Araújo, Xefe Projetu Sapo.tl iha Dili. Sapo.tl ne´e hanesan portál úniku ida ke fo servisu e-mail, notísia, blog, armazenamentu foto no vídeo, no barak tan ho lian tetun no portugés. Formasaun ida ne´e sei aborda tópiku sira hanesan saida mak online, oinsá ita bele uza mundu online atu fo sai informasaun.

Gina Araújo husi sapo.tl
durante sesaun formasaun

Sei diskute mós oinsá ita bele hamosu dinámika ida entre departamentu hotu hotu iha Ministériu nia laran. Dinámika ida ne´e importante tebes atu bainhira ita rekolle informasaun, bainhira trata informasaun ida ne´e hodi haree oinsa ita bele fo sai informasaun mós.

Misliza Vital, Xefe Dpt. Protokolu
no Komunikasaun, fo introdusaun
kona-ba formasaun husi sapo.tl

Ekipa tomak mós sei aprende kona-ba métodu servisu entre membru ekipa, oinsa servisu online no feramenta saida deit mak sei bele uza hodi dinámika ida ne´e moris. Bainhira formasaun ida ne´e remata, ekipa bele ona identifika kanál online sira be uza tiha ona hanesan Facebook, blog no site, nia efikásia bainhira atu hato´o informasaun.

Ministériu Saúde agradese tebes ba portál www.sapo.tl liu husi Gina Araújo nia disponibilidade mai halo formasaun ba ekipa tomak.

carinton salazar formasaun informasaun komunikasaun saúde misliza vital sapo tl sapo.tl

Sapo.tl fó formasaun ba Ekipa Komunikasaun Ministériu Saúde

cc 0

Read More

Respeitu ba  Diretor Saúde distritu, Adjuntu Diretor, Xefe Sentru Saúde, lider komunidade no relijiozu sira, ha´u nia kolega sira hotu husi Ministériu Saúde, profesionál saúde ( doutor,enfermeiru/a, analista, parteira, farmasista, responsável programa distritu no sub distritu) no señre/a konvidadu sira.

Ha´u sente kontente no orgulu  ohin loron iha fatin ida ne’e atu observa  selebrasaun Loron Mundiál Tuberkuloze 2014. Tuir loloos loron importante ida ne’e hala’o iha loron 24 fulan Marsu 2014, maibe muda mai ohin loron 8 fulan Maiu tamba iha razaun tékniku. Maske nune’é, ita  ida ida  presiza iha sinseridade no dedikasaun atu tau iha ita nia konsiénsia katak tuberkuloze agora dadaun sai problema saúde públiku iha Timor-Leste. Ha´u sente kontente tamba ita bo’ot  sira bele prepara hodi  selebra loron importante ida ne’e, hanesan parte husi informasaun TBC ba komunidade.

Kada tinan mundu tomak selebra loron mundial TBC iha loron  24 fulan Marsu tanba iha tinan 132  liu ba, doutor ida ho naran Robert Kock deskobre basilus kópia microbacterium tuberkuloze hanesan kauza ba moras TBC. Ba tinan ida ne’e ninian tema: Asesu ba diagnóstiku no tratamentu bele kura moras TBC ne’ebé lakon iha Rejiaun Sudeste Aziátiku.

Iha Rejiaun Sudeste Ázia ne´e, inklui Timor-Leste mós,  hetan progresu bo’ot hanesan taxa detesaun kazu, taxa susesu tratamentu atinje ona alvu global no taxa mortalidade ne´ebé hamenus. Kompara  ba 2006, hahú husi programa intrega ba Governu iha progresu barak; distritu barak mak atinje ona taxa detesaun kazu 70% no taxa susesu tratamentu 85 %. Taxa nasionál ba detesaun kazu  no taxa susesu tratamentu atinji liu ona alvu globál. Taxa mate no kotu tratamentu ba kazu TB rejistu no trata iha tinan 2012 redus tun ba 4%  maske iha difikuldade jeográfiku no kondisaun estrada.

Iha  asaun  barak ne’ebé presiza hala’o  hodi kontrola moras tuberkuloze iha Timor-Leste atu responde ba dezafiu hirak ne’ebé mensiona iha leten.  Kondisaun sosiál no dezenvolvimentu  hanesan nasaun foun, taxa transmisaun tuberkuloze sei aas iha komunidade. Kada ema Timor-oan ne’ebé iha moras tuberkuloze presiza identifika, trata no kura sira. Ida ne’e hanesan servisu bo’ot  ne’ebé sei fo impaktu pozitivu  ba dezenvolvimentu nasionál. Iha parte seluk  afeta ba ekonómia no dezenvolvimentu nasionál  tamba maioria tinan produtivu 15 - 54 mak sofre hela moras  tuberkuloze.   

Governu Timor-Leste ( Ministériu Saúde)  hetan apoiu husi doador sira iha prestasaun ba diagnoze no tratamentu disponível iha sentru saude, ospitál no mós ONG parseiru. Komunidade voluntáriu (PSF) iha SISCa  sei fasilita ita bo’ot sira  atu asesu ba  Sentru Saúde hodi hetan tratamentu no ajuda pasiente  ne’ebé hela do’ok husi fasilidade saúde hodi obzerva tratamentu (DOT) iha komunidade.

 Ha´u hanesan  Ministru Saúde, hakarak enkoraja ba ita bo’ot sira  hotu; autoridade saúde, profesionál saúde,governu lokal, lider komunidade, komunidade voluntáriu (PSF) no ema hotu hotu  ne’ebé iha fatin ida ne’e  atu fó advokasia  ba  informasaun TBC  no asegura  ita bo’ot sira nian membru uma kain, labarik,  relasaun familia, viziñu no membru komunidade  atu ba fatin tratamentu  TB ne’ebé disponível, foti ai-moruk  iha fasilidade saúde atu kura   sira husi moras TBC. Ita bo’ot sira bele ajuda mós pasiente TBC atu buka fasilidade saúde liu husi oferese DOTS ne’ebé loos no la bele diskrimina pasiente TB. Bainhira ita bo’ot kura ona ema moras TBC ida, ita bo’ot ajuda ita bo’ot nian aan-rasik, nune’é  ita sei la sofre no mate ba TBC. Karik ita bo’ot sira  la oferese  tratementu ho diak  bele aumenta transmisaun tuberkuloze iha komunidade.

Ha´u nian mensajen ikus  liu ba komunidade, karik  ita bo’ot sira iha mear liu semana 2 ka liu  bele ba iha fasilidade saúde ne’ebé besik ka ba SISCa atu konsulta. Ba sira ne’ebé agora iha tratamentu nian laran, ha´u hakarak enkoraja  ita bo’ot sira atu halo tratamentu tuir tempu  to’o hetan kura, ita bo’ot  bele sai ezemplu diak ba sira seluk  hodi kontribui ba  dezenvolvimentu nasionál no  hadia ekonómia iha uma-kain no komunidade en jeral. 

Ha´u hakarak subliña  katak TBC  moras ne’ebé bele kura  karik halo tratamentu ne’ebé regulár tuir tempu determinadu.Tamba ne’e ha´u husu Timor-oan sira  hotu atu fo liman ba malu servisu hamutuk iha  komunidade  atu funu hasoru  TBC no  bele hamenus taxa mate no moras iha Timor-Leste.

OBRIGADU BARAK

S.Exa. Ministru Saúde nia diskursu ba Loron Mundiál Tuberkuloze - 2014

cc 0

Read More